iMúscraí

iMúscraí, eagrán 4, anois ar fáil ar líne

igaeilge — Thu, 26 Jan 2012 13:57:55 +0000

Tá an ceathrú eagrán de iMúscraí ar fáil anois ar líne – agus beidh an leagan chlóite ar fáil timpeall an cheantair an tseachtain seo chugainn.

Bainigí sult as! Cuir isteach ar na comórtais agus cuir bhúr aischothú in iúl dúinn!

Bionn fáilte i gcónaí roimh altanna, scéalta agus griangrafanna.

Beidh an chéad eagrán eile á fhoilsiú ag deireadh mhí Feabhra. Ba cheart aon ábhar atá le foilsiú bheith againn roimh 24ú Feabhra.

Scoileanna Mhúscraí i mbaol ó ghiorruithe

igaeilge — Tue, 17 Jan 2012 11:53:04 +0000

Bhí slua ollmhór, breis is 700, i láthair ag cruinniú i nDún Mán Bhuí aréir chun míshásamh phobal iarthar Chorcaí a chur in iúl i leith na gciorruithe ar scoileanna beaga tuaithe atá á mholadh ag an Aire Oideachais, Ruairí Quinn.

Sa bhuiséad bhí mír bheag sa chuid a bhain leis an Roinn Oideachais ag rá go ‘spreagfaí’ na scoileanna beaga chun comhnascadh a dhéanamh. An bealach atá an spreagadh sin á dhéanamh go bhfuil laghdú á dhéanamh ar an gcoimheas múinteoirí/daltaí i scoileanna dhá oide, trí oide is ceithre oide. Beidh níos mó daltaí i ngach rang. In iarthar Chorcaí ciallaíonn sé go mbeidh droch éifeacht ar 43 scoil as 56. Sna Gaeltachtaí tá geall leis leath na scoileanna i gcontúirt.

I Múscraí, tá dhá scoil as seisear i gceist. I gCiarraí, tá 13 as 14 i mbaol ag na ‘treoirlínte’ nua; i nGaillimh tá 22 as 41 i gcontúirt agus i Maigh Eo níl ach trí scoil as 24 slán. I dTír Chonaill tá ocht scoil is fiche faoi bhagairt agus tá dhá scoil as an trí cinn sa Rinn ar liosta thargaidí na Roinne.

Ag an gcruinniú aréir i nDún Mán Bhuí bhí slua ann ó Chúil Aodha agus ó Reidh na nDoirí, an dhá scoil sa cheantar seo atá i gcontúirt, chun tacaíocht a thabhairt don agóid. Ag labhairt do ag an gcruinniú, dúirt Cathal O Riada, príomh oide Scoil Chúil Aodha/Barr dInse, go mbeadh ar pobal iarthar Chorcaí agus pobail eile ar fuaid na tíre teacht le cheile agus aghaidh a thabhairt ar Bhaile Atha Cliath chun go dtuigfeadh na polaiteoirí – an Aire Oideachais is an Taoiseach sa chéad dul síos – an earráid ollmhór atá á dhéanamh.

Mheabhraigh sé don slua gurb é an tuath atá an earnáil talamhaíochta, an t-aon earnáil den gheilleagar atá ag feidhmiú go h-éifeachtach, agus nach aisteach an scéal é gur fán dtuath atá na giorruithe is géire á dhéanamh ar an bpobal. Is é seo freisin an bagairt is baolaí do shaol na Gaeltachta agus na Gaeilge. Cé nach dtugann na h-eagraíochtaí Ghaeilge nó ‘Gluaiseacht’ (nior giorra de lán stad) na Gaeilge seo faoi ndeara go fóill, is cosúil.

Iarthar Chorcaí a bhí ann aréir. Tá pobail eile ar fuaid na tíre ag gníomhú agus ní fada go mbeidh aghaidh á thabhairt againn ar Bhaile Atha Cliath chun ár n-agóid a thabhairt go Geataí na Dála. Agus go bhfoire Dia ar Theach Laighean an lá a tharlóidh sé sin….

Turasóireacht teanga i Múscraí

igaeilge — Mon, 12 Dec 2011 12:05:51 +0000

Beidh duine de na ceannródaithe is aitheanta i saol na Gaeilge agus na Gaeltachta ag teacht go Múscraí an mhí seo chun labhairt ar an obair éachtach atá déanta aige ina cheantar dúchais i nGleann Cholmcille, Tír Chonaill.
Cathaoirleach ar bhord Údarás na Gaeltachta é Liam Ó Cuinneagáin le roinnt blian anois. Ach is ar an obair a rinne sé le cúrsaí Gaeilge do dhaoine fásta a fhorbairt a bheidh sé ag caint ag ocáid ar leith atá á reáchtáil ag an gComharchumann ar 12ú Nollag ag an Muilleann i mBaile Mhúirne ag 8om.
Tá fáilte roimh mhuintir Mhúscraí chun na hocáide seo, go háirithe iad siúd atá suim acu i gcúrsaí turasóireachta nó i gcúrsaí teanga.
A warm welcome is extended to all who are interested in cultural tourism and the Irish language to a presentation by Liam Ó Cuinneagáin at the Mills Inn at 8pm on 12 December.
Mr Ó Cuinneagáin founded the Oideas Gael project which is the leading provider of Irish language holidays in Ireland. In thea past it has played host to the likes of Mary McAleese, the former President, and many thousands of other Irish language learners who have sought to combine the pleasure of learning Irish with other holiday activities such as walking, art and cycling.
The event of 12 December, 2012, is aimed at sharing some of the secrets of the success of Oideas Gael with a view to getting off the ground locally a project aimed at providing holidays for families combining Irish classes with other activities such as walking, art, swimming and heritage trails.
Anybody interested in this project or interested in the promotion of Irish or cultural tourism in general is welcome to attend the event on 8pm on Monday, 12 December.

App iMúscraí – réamh-amharc

igaeilge — Wed, 07 Dec 2011 17:02:47 +0000

Seo réamh-amharc ar ‘App’ iMúscraí. Tá obair ar bun air seo faoi láthair agus beidh sé á sheoladh go luath.

App iMúscraí

iMúscraí na Nollag chugaibh

igaeilge — Mon, 05 Dec 2011 17:16:53 +0000

iMúscraí #3

Seo é an tríú eagrán de iMúscraí, an nuachtlitir áitiúil do Mhúscraí atá á fhoilsiú ag Comharchumann Forbartha Mhúscraí.

Cuairteoirí ón tSín agus ón Indinéis i Múscraí (Via UCC)

igaeilge — Mon, 21 Nov 2011 16:10:27 +0000

Tháínig grúpa ó UCC go Múscraí Dé Satharn ar feadh cuairt lae ar an nGaeltacht is giorra d’Ollscoil Chorcaí. Bhíodar ann ón Ghearmáin, ó Stáit Aontaithe Mheirceá, ón tSín agus ón Indinéis agus bhain siad ana thaithneamh as an réimse imeachtaí a eagraíodh ar a son. Comharchumann Forbartha Mhúscraí a d’eagraigh an lá i gcomhar le hIonad na Gaeilge Labhartha i UCC.
Thosnaigh an lá le cuairt ar Ostán Ghobnatan le h-aghaidh cupán tae agus scón agus bhogamar ón áit sin suas go Reilig Ghobnatan, áit a raibh Eibhlín Ní Lionaird i mbun cúramaí mar threoraí timpeall ‘Valhalla na nGael’.
Ina dhiaidh san tháinig siad go dtí Cúil Aodha áit a raibh bainisteoir an Chomharchumainn, Concubhar Ó Liatháin, ann chun cur i láthair a dhéanamh faoi Mhúscraí, an stair, an litriocht, an ceol agus taispeanadh cúpla físthaifead Youtube ag léiriú ceol is saíocht na h-áite do na cuairteoirí.
Tugadh cuairt ansan ar dhealbh Sheáin Uí Riada atá i gclós an tséipéil i gCúil Aodha. Is anseo a tógadh an griangraf.
As sin go dtí an Muileann, áit a raibh lón blasta ag feitheamh. Bhi seisiún amhránaíochta ansan i gcomhluadar Liam Ó Cróinín, buaiteoir Chorn Chuimhneacháin Amhránaithe Mhúscraí, agus bhain gach éinne taithneamh as sin.
An chéad mír eile ar an gclár, ceilí i gcomhluadar le Fear a’tí, Dónal Mac Suibhne, agus a athair, Diarmuid i mbun an bosca ceoil. Chriochnaigh sé sin na h-imeachtaí go sasúil agus chuaigh an slua abhaile go Corcaigh ansan agus an chuma ar an scéal gur bhain siad an taithneamh as an lá i Múscraí.

Dá mba mhaith leatsa cuairt ar Mhúscraí a eagrú ar son grúpa, bí i dteagmháíl liom ag 085 8130777.

Cuairteoirí ó Ionad na Gaeilge Labhartha, UCC, i gCúil Aodha

An dara eagrán de iMúscraí anseo agaibh….

igaeilge — Fri, 04 Nov 2011 12:10:26 +0000

An dara eagrán de iMúscraí

Seo chugaibh an dara eagrán de iMúscraí – tá gach eolas ann faoin nGaeltacht is deise in Éirinn!

iMúscrai i gcló agus ar líne

igaeilge — Fri, 30 Sep 2011 10:22:19 +0000

Is féidir teacht ar an gcéad eagrán de nuachtlitir an Chomharchumainn ar fuaid Mhúscraí inniu (Dé hAoine, 30 Meán Fómhair). Tá sé ar fáil chomh maith ar líne mar fhoilseachán inléite agus is féidir teacht ar anseo nó cliceáil ar an bpictiúr.

Ar bharr an chontae

igaeilge — Fri, 09 Sep 2011 09:39:54 +0000

Caitriona Wallace, Tom Tiernan, Helen de Gordún, Veronica Jennequin agus Concubhar Ó Liatháin: toscaireacht Chúil Aodha ag an ocáid i Halla an Chontae chun duaiseanna a bhronnadh ar na pobail buacha sa Dúshlán Frith Bhrúscair

Bhí toscaireacht ó Choiste Bhailte Shlachtmhara Chúil Aodha i láthair i Halla an Chontae aréir (Déardaoin) le h-aghaidh bronnadh na nduaiseanna sa Dhúshlán Frith Bhrúscair a d’eagraigh Comhairle Chontae Chorcaí i mbliana. Chriochnaigh Cúil Aodha sa triú áit sa chontae i rannóg na sráidbhailte agus níorbh é seo ach an chéad iarracht acu sa chomórtas. Ní raibh ach marc nó dhó idir iad agus na pobail a bhuaigh na príomh dhuaiseanna, Carraig a Droichid agus Sallybrook.

An tseachtain seo freisin fograíodh torthaí na mBailte Shlachtmhara, an chomórtas náisiúnta, agus d’eirigh go h-an mhaith le Cúil Aodha agus Béal Atha’n Ghaorthaidh. Beidh an dá phobal sin agus pobail eile Mhúscraí ag díriú anois ar fheabhais breise a chur leis an toradh in am do chomórtas na bliana seo chugainn.

Ag tacú le Meitheal Mhúscraí

igaeilge — Thu, 08 Sep 2011 09:44:20 +0000

Seo ráiteas ó Chomharchumann Forbartha Mhúscraí maidir le h-iarmhairtí an chinnidh MFG a scor.
Le h-éisiúint: Laithreach

Buille trom do Ghaeltacht Mhúscraí an fhógra tobann go bhfuil Meitheal Mhúscraí le dúnadh laithreach mar gheall ar chinneadh gan choinne a ghlac bórd Meitheal Forbartha na Gaeltachta an eagras a scor an tseachtain seo.

B’shin a bhí le rá ag Bainisteoir Chomharchumann Forbartha Mhúscraí, Concubhar Ó Liatháin, ar chloisint na drochscéala ón gcruinniú a bhí ag Bórd MFG Dé Chéadaoin.

“Tá pobal Ghaeltachta Mhúscraí ag brath go mór ar an obair íontach atá á dhéanamh ag Meitheal Mhúscraí sa cheantar,” dúirt sé.

“Fágann an chinneadh seo go mbeidh go leor daoine aosta agus faoi mhí chumas éigean buailte go trom agus fagtha gan seirbhísí,”

Tá isteach is amach le 30 duine fostaithe ag Meitheal Mhúscraí ag cur coras taistil ar fail d’aosaigh, ag obair sna h-ionaid lae agus ag cur seirbhísí ar fail do dhaoine i mbaol sa Ghaeltacht seo.

“Caithfidh POBAL agus an Roinn Comhshaoil atá freagracht acu as MFG teacht i gcabhair laithreach ar Mheitheal Mhúscraí agus comhlachtaí eile MFG atá ag obair go dícheallach agus go diograiseach ar an talamh chun seirbhísí a chur ar fail do dhaoine atá theana féin ag fulaingt.

“Tá sé thar a bheith tabhachtach na postanna seo a choimead slán, ar mhaithe na daoine atá ag brath ar an ioncam ó na postanna seo ach chomh tabhachtach céanna ar na daoine atá ag brath ar na seirbhísí atá á chur ar fail ag na fostaithe.

“Táimíd ag iarraidh freisin ar na h-údaráis cuí a chinntiú go n-íocfar deontaisí atá ceadaithe faoi scéim Leader d’eagraíochtaí ar fuaid Mhúscraí atá ag brath ar an dtacaíocht sin chun obair riachtanach Forbartha a dhéanamh ar áiseanna sa cheantar seo.”

Breis eolais: Concubhar Ó Liatháin, Bainisteoir, Comharchumann Forbartha Mhúscraí, 085 8130777.

Press release: For immediate release:

Comharchumann Forbartha Mhúscraí supports Meitheal Mhúscraí in face of decision of MFG to cease trading

The decision by the Board of Meitheal Forbartha na Gaeltachta to cease trading has been described as a heavy blow to the Múscraí Gaeltacht by the manager of Comharchumann Forbartha Mhúscraí, Concubhar Ó Liatháin.

The board of MFG took the decision on Wednesday afternoon following a meeting in Claregalway. The workers at the organisation’s Múscraí office heard on the media their jobs were terminated.

“The people of Múscraí depend for a wide range of services on the great work of the Meitheal Mhúscraí team,” said Mr. Ó Liatháin. “The harsh effects of this decision will be felt most keenly by the elderly and other vulnerable groups who depend on Meitheal Mhúscraí to provide transport, meals and other vital services.”

There are up to 30 people employed, mostly on a part time basis, by Meitheal Mhúscraí. The organization has been very successful on a local basis since it’s foundation in the 1990s. It is now feeling the brunt of a decision by the board of MFG, which is the parent body responsible for several local organizations in Gaeltachtaí throughout Ireland.

Both POBAL and the Department of Environment were urged to come to the immediate assistance of Meitheal Múscraí and its sister organizations on the ground to ensure the vital services they provide are continued for the benefit of the local people in Múscraí.

“We also urge the appropiate authorities to ensure the grants allowed by MFG for various projects which applied for LEADER funding are paid. These funds are vital for the further development of vital facilities in the region.”

Further Information: Concubhar Ó Liatháin, Comharchumann Forbartha Mhúscraí. 085 8130777

NOTE: Comharchumann Forbartha Mhúscraí is a community based co-operative organisation in the Múscraí Gaeltacht. We promote the Irish language and cultural tourism. Our website is http://www.imuscrai.com

MFG employs up to 34 people fulltime nationwide, principally in Conamara, Donegal and Kerry. Meitheal Mhúscraí is the Cork wing of the organisation and has up to 30 employees, mostly part-time. Last year Meitheal Mhúscraí hosted a very successful trip by President Mary McAleese to Múscraí (29th May, 2010).